متى وكيف نزين وزننا بشكل صحيح؟

by abbas01

أخذ الوزن واحد من الأمور الاعتيادية يلي صار شي من الأمور البديهية يلي بيعملها الشخص يلي عم يتبع #حمية إن كان بإنقاص أو زيادة الوزن، بس في عالم صارت عندها وسواس، وفي عالم مستغربة ليش بين يوم وليلة كل مرة وزنهم بيفرق شكل، وليش عم يفرق وزنهم من ميزان ل ميزان. هي الخطوات السهلة والبسيطة يلي لازم نعملها حتى نعرف كيف نزين وزننا:

1- نحدد يوم واحد ثابت بالأسبوع يكون بعد يوم راحة من التمرين حتى يكون جسمنا مرتاح، وحتى ما يكون في احتمال لاحتباس السوائل.

2- نقيس الوزن بعد 12 – 14 ساعة من آخر #وجبة، بعد نوم عميق، بعد دخول الحمام، وتكون ملابس خفيفة.

3- تحديد يوم واحد بالشهر، نأخذ فيه مقاس الخصر، الورك، الفخذ.

4- نعتمد على #ميزان واحد يعني ما نجرب ميزان البيت وميزان الجيران وميزان الصيدلية أياً منهم أحسن.

5- كرأي شخصي لا أثق بشكل دقيق بالموازين الالكترونية لأنه مع تغيير شحن البطاريات رح تفرق النتيجة.

6- بالنسبة للصبايا الوزن يكون بعد الدورة الشهرية ب 4 – 7 أيام لا قبلها ولا بعدها ولا أثناءها.

بتمنى تكونو استفدتو من هالمعلومات ودمتم بخير.

إعداد وكتابة اختصاصي التغذية عباس ديروان

You may also like